今朝七點我同團隊喺天榮站開設流動服務早站，把握返工返學嘅黃金時間，親手向街坊派發最新一期嘅工作報告，等大家可以了解我哋喺區內跟進緊嘅各項議題同工作總結，接受街坊提問及意見。
感謝有街坊拎完報告仲即場同我哋分享對社區嘅意見，無論係交通配套、勞資方工作環境、環境衛生定係民生設施，你哋嘅聲音我哋全部收到，會逐一整理同跟進。
多謝每一位願意停低傾兩句嘅街坊，你哋嘅支持係我哋繼續努力嘅最大動力！如果錯過咗今朝早站，想要工作報告嘅街坊可以隨時59505989 PM我哋，或者去辦事處免費索取。