今日喺房屋委員會會議上，我哋幾位元朗區議員正式向主席姚國威先生提交咗聯合文件，題為《建議在元朗公共屋邨增加空間給「綠在區區」作地區環保回收》，好高興得到主席批准列入議程。

事緣係咁：因應都市固體廢物收費，市民都積極做源頭分類，環保回收意識近月大有提高，尤其對環保回收嘅服務需求大增。當局近年更推動由政府主導嘅社區回收服務。

「綠在區區」係一個服務全港嘅社區回收網絡，當中包括回收便利點——公共屋邨嘅回收點。現時全港共有76個回收便利點，全新形象嘅回收便利點大多鄰近缺乏分類回收設施嘅單幢式住宅樓宇附近或人口眾多嘅公共屋邨。各區回收便利點基本上全年開放，大部份亦設有夜間自助回收設施，提供「便利」市民嘅社區回收支援。

今年政府更首次引入公共屋邨嘅綠在區區，服務人口稠密聚居嘅屋邨，其環保回收服務對社區尤其重要。而相對普通嘅綠在區區，屋邨綠在區區嘅面積更是細，佔空間平均只有200呎或以下，相反需要應付人口眾多嘅回收需求，實在係有挑戰。

元朗有18個公共屋邨，現時全元朗只有三個公共屋邨有綠在區區，分別是綠在天恆、綠在天華及綠在天恩，集中在天水圍北。以天水圍為例，現在嘅屋邨綠在區區更要服務多過一個公共屋邨居民。我哋喺會上提出以下建議：

一、為應對天水圍南居民對環保回收需要
本人曾詢問環保署代表能否在天水圍南設立回收點，但部門回覆未能找到天水圍南嘅屋邨位置。請問部門能否在天水圍南也安排屋邨鋪位及空間作綠在區區之用，以滿足天水圍南居民對環保回收嘅需求？

二、在現有三間屋邨綠在區區增加公共空間
在現有三間屋邨綠在區區分別是綠在天恆、綠在天華及綠在天恩，請問部門能否安排更多公共空間給綠在區區作回收之用，例如暫存回收物等？

我哋喺會上強調，天水圍南居民一直缺乏就近嘅回收設施，要跨區去天水圍北做回收，對長者同家庭主婦嚟講好唔方便。既然政府大力推動源頭減廢，就必須喺設施配套上配合，唔可以得個講字。我哋要求房屋署同環保署積極物色合適空間，盡快喺天水圍南增設回收點，並擴展現有屋邨綠在區區嘅運作空間。

我哋會繼續跟進部門嘅回應同選址進展，確保居民嘅環保回收需求得到滿足。

#元朗區議會 #天水圍 #綠在區區 #環保回收 #源頭減廢 #房屋委員會 #社區設施