今日喺社區參與及文化康樂委員會會議上，我哋幾位元朗區議員正式向呂堅主席提交咗聯合文件，題為《建議推動少數族裔全面融入社區的措施》，好高興得到主席批准列入議程。

事緣係咁：我哋接獲少數族裔居民反映，喺元朗及天水圍社區生活，喺各領域面臨系統性障礙。以下提出具體解決方案，懇請區議會討論。

穆斯林女性參與康體設施嘅障礙

穆斯林等女性因宗教規範需性別隔離環境，現時公共泳池及健身房缺乏全女性時段，阻礙佢哋參與康體活動。參考中環YMCA「全女性游泳班」（女教練、女救生員）嘅成功經驗，報名三日即額滿，證實需求龐大。

我哋喺會上建議康文署增設「女性專屬游泳／健身時段」，讓穆斯林女性可以喺符合宗教規範嘅環境下參與運動，促進身心健康，同時推動社區共融。

我哋認為，元朗區作為多元族裔聚居嘅社區，應該帶頭推動共融措施。呢啲建議唔單止惠及少數族裔，亦可以讓更多女性居民受惠。我哋促請區議會討論上述建議，讓元朗成為多元共融、和諧安全嘅社區。

我哋會繼續跟進康文署嘅回應同落實時間表。如果大家對少數族裔共融措施有任何意見，歡迎隨時聯絡我哋。

#元朗區議會 #天水圍 #少數族裔 #社區共融 #女性專屬時段 #康文署 #社區參與及文化康樂委員會