今日喺食物環境衞生委員會會議上，我哋幾位元朗區議員正式向湛家雄主席提交咗聯合文件，題為《支持部分綠在區區的智能「回收便利點」遷移至合適的政府設施》，好高興得到主席批准列入議程。

事緣係咁：環境生態局局長謝展寰日前表示，署方亦會將部分綠在區區嘅「回收便利點」遷移至合適嘅政府設施，以及更多利用智能回收設備，將「回收便利點」逐步轉型為自助回收設施，以降低租金開支和營運成本。

現行嘅「回收便利點」除了以實體店面形式外，多以流動街站定時運作，構成相當嘅人員及運輸成本。因此我哋支持環境生態局將部分「回收便利點」遷至合適嘅政府設施並引入智能設備嘅方針。此舉可降低租金及營運成本，提高效益，也推動智能環保科技應用。

我哋喺會上提出具體建議：當局及署方可以考慮把智能回收機放置在元朗區各公共街市、圖書館、康文署管轄嘅公園如天水圍公園等多市民使用嘅公共設施。 呢啲地點人流暢旺，居民日常必經，放智能回收機就最方便。

我哋同時向部門提出以下問題：

請問現在元朗有計劃在哪一些政府設施設置智能便利回收點及評估準則？

如有，請問計劃數目如何？

請問現時環保署跟不同部門有相關嘅聯繫機制嗎？

我哋喺會上強調，智能回收係大勢所趨，但唔可以淨係講而唔做。元朗區人口眾多，居民對回收設施需求殷切，政府應該優先喺元朗區落實智能回收點，並且公開選址準則同時間表，讓居民同區議會可以監察進度。我哋懇請主席將此議題列入議程，推動元朗智能綠在區區政策落實。

我哋會繼續跟進環保署嘅回應同具體選址計劃。如果大家對智能回收設施有任何意見，歡迎隨時聯絡我哋。

#元朗區議會 #天水圍 #綠在區區 #智能回收 #環保回收 #源頭減廢 #食物環境衞生委員會