今日喺食物環境衞生委員會會議上，我哋幾位元朗區議員正式向湛家雄主席提交咗聯合文件，題為《建議討論改革元朗發泡膠廢料處理》，好高興得到主席批准列入議程。

事緣係咁：針對當前元朗區內發泡膠廢物帶來嘅環境問題，尤其係本區街市嘅廢物源頭處理，我哋特此提交議程討論建議，以改革及加強元朗街市發泡膠廢物源頭處理措施。

發泡膠作為難降解嘅廢物物料，被送往堆填區後幾百年都不化解，且如流入海洋，除污染環境外，更會危害海洋生物。若不妥善處理，將對環境生態造成長遠負面影響。元朗區內嘅街市係發泡膠主要產生地之一，特別需要規範處理程序，以減少對環境嘅負擔。

我哋喺會上提出以下具體建議：

一、源頭分類推行
在元朗街市設立明確嘅廢物分類指引，鼓勵商戶及顧客將發泡膠和貼上嘅膠紙單獨分離處理。因為膠紙貼上發泡膠後，嚴重影響到下游回收質量。署方可以組織培訓和講座，向商戶及市民宣傳正確嘅發泡膠分類和處理方法。

二、增設回收壓機
發泡膠體積大且重量輕，當中九成以上係空氣，因此運輸及倉存成本太高，令其回收難度增加。因此以外國嘅成功回收案例來說，大街市可考慮增設回收壓機，以便現場將發泡膠壓縮減少體積，從而節省存儲空間，改善回收效率。我哋亦注意到漁統處已安排發泡膠冷壓機，認為相關經驗值得借鑑。

三、制定回收步驟推行計劃
階段性推行發泡膠回收措施嘅計劃，逐步從試點推廣至整個元朗街市區域。根據可行性分析、資源配置和運行效果，持續改進方案。

四、加強社區宣傳和教育
提升公眾嘅環保意識，推動源頭減廢行動。

我哋喺會上強調，發泡膠問題唔可以再拖，街市每日產生大量發泡膠，如果唔喺源頭做好分類同壓縮，最終只會全部送去堆填區，對環境造成不可逆轉嘅傷害。我哋希望委員會重視和支持呢個建議，攜手共建更清潔、可持續發展嘅元朗社區。

我哋會繼續跟進部門嘅回應同試點計劃。如果大家對發泡膠回收有任何意見，歡迎隨時聯絡我哋。

#元朗區議會 #天水圍 #發泡膠回收 #源頭減廢 #街市環保 #食物環境衞生委員會