今日喺議會會議上，我正式提交咗文件，要求討論「元朗區廚餘回收計劃進展情況」，好高興得到主席批准列入議程。

事緣係咁：根據最新元朗區廚餘回收報告，2024年11月至12月期間，環境運動委員會嘅「私人屋苑智能廚餘回收桶試驗計劃」未有接獲新申請，而回收基金特邀項目僅接獲1個私人屋苑（映御）嘅新申請。此外，過去兩個月未有批出任何元朗區私人屋苑嘅新項目。部分屋苑因與環保署喺智能廚餘機數量及位置上未能達成共識而退出計劃，顯示現行計劃喺元朗區嘅廚餘回收計劃申請情況開始進入樽頸位。

我喺會上向環保署提出以下問題，要求部門提供詳細資料：

一、覆蓋率
目前元朗區所有廚餘回收服務嘅覆蓋比率是多少？

二、參與情況
有多少個私人屋苑已參與計劃，以及有多少個屋苑尚未申請？

三、未申請屋苑分佈及推廣
未申請嘅屋苑主要分佈喺哪些區域？是否有針對呢啲區域嘅推廣計劃？

四、技術困難與申請障礙
過去兩個月，元朗區私人屋苑嘅廚餘回收計劃申請數量極低，有屋苑反映對申請程序不理解或存在技術困難。據悉，部分屋苑因（如栢慧豪園）與環保署喺智能廚餘機數量及擺放位置上未能達成共識而退出計劃。目前有多少宗申請因技術問題（如設備數量或擺放位置）而被退回或自行撤回？環保署如何處理呢啲技術分歧？是否有機制讓屋苑根據其實際情況調整設備數量及擺放位置？會否簡化申請程序或提供更多技術支援，以鼓勵更多屋苑參與？會否考慮擴大計劃嘅覆蓋範圍，例如涵蓋公共屋邨或鄉村地區？

我喺會上強調，元朗區嘅廚餘回收計劃對推動環保工作至關重要，但目前申請及執行情況未如理想。有屋苑想參加但畀技術問題卡死，有屋苑就根本唔知點申請，呢啲都係實實在在嘅障礙。我要求環保署正視問題，提供詳細數據及具體改善方案，以提升計劃嘅參與度及成效。

我哋會繼續跟進環保署嘅回應同改善措施。如果大家對廚餘回收有任何意見，歡迎隨時聯絡我。

#元朗區議會 #天水圍 #廚餘回收 #環保回收 #源頭減廢 #環保署