今日喺食物環境衞生委員會會議上，我哋幾位元朗區議員正式向湛家雄主席提交咗聯合文件，題為《建議議程增加社區廚餘回收報告事項》，好高興得到主席批准列入議程。

事緣係咁：我哋認為委員會第三次會議議程方面，應該增加元朗區嘅廚餘回收數據到回收報告事項，由有關環保署官員作報告，讓委員們能進一步掌握地區廚餘回收資訊，以便有效傳達有關資訊予居民，以及就元朗回收政策給政策更多地區基層嘅意見。

我哋喺會上建議議程加入以下報告事項：

一、過去一季元朗區廚餘回收數據
需要掌握實際回收量，了解計劃成效。

二、元朗區內智能廚餘回收機的分佈情況
包括公共屋邨、居屋、私人屋苑及鄉郊，確保資源分配公平，唔會側重某一類住宅。

三、過去一季元朗區廚餘回收機在申請及批准數量
了解申請趨勢，及早發現樽頸位。

我哋喺會上強調，冇數據就冇政策。居民成日問我哋「點解隔籬屋苑有智能廚餘機，我哋屋苑冇？」、「元朗區到底回收咗幾多廚餘？」我哋作為區議員，如果連基本數據都掌握唔到，又點同居民交代？又點向政府反映地區實況？

所以我哋要求環保署定期向委員會提交元朗區廚餘回收數據，讓委員們能夠基於事實討論政策，亦讓居民更了解計劃進展。我哋會繼續跟進環保署嘅回應同報告安排。

如果大家對廚餘回收有任何意見，歡迎隨時聯絡我哋。

#元朗區議會 #天水圍 #廚餘回收 #環保回收 #源頭減廢 #食物環境衞生委員會